Shaharrane jarumin finafinan Hausa,
Adam Abdullahi Zango, ya kaddamar da rantsattsiyar riga ga masoyansa mai dauke
da sunan sabon fim dinsa GWASKA da yanzu haka ake dakon fitowarsa.
Ita dai wannan riga, an yi ta
kala-kala yadda za ta dace da bukatar masu bukata. Sa’anna an sanya ta a
farashi mai rahusa, watau naira dubu 10.
Kwanakin baya aka saka gasa ta
wakar wannan kasaitaccen fim, wanda tuni jarumin ya bayyana a shafinsa na
Instagram kan yadda ta kaya, inda ake sa ran za a bayyana wadanda suka lashe
gasar a ranar 29 ga watan Yulin 2017 a birnin Kanon Dabo.
Zuwa yanzu dai, babu wani fim da
ake tsumayin gani kamar Gwaska, musamman da yake an kalli na farko, shi ya sa
mutane suka matsu su ga fitowar ci gabansa.
Rahotanni sun nuna cewa, shi wannan
fim ba a taba yin irinsa ba, idan aka kwatanta da irin sidaddabarun da aka yi a
cikinsa.
Comments
Post a Comment